Lettres patentes qui érigent Montchauvet en baronnie
Ces lettres patentes furent enregistrées au Parlement de Rouen, le 12 mai 1617.
Louis, par la grâce de Dieu, Roy de France et de Navarre, à tous présents et advenir salut.
Comme de 1a vertu des hommes 1a noblesse ait pris son origine, et des mérites de ceulx qui entre les nobles par 1a grandeur de leur courage et signalés services qu'ils ont faict au prix de leur sang et hazard de leurs vies se sont rendus se sont rendues plus recommandables que les autres, les charges, honneurs et qualités lui se vovent aujourd'huy entre les gentilz hommes en sont arrivées, et pour d'autant plus inciter leurs decendantz à suivre les pas de leurs ancestres et les autres gentilz hommes à imiter ceux lui en ont esté les premiers honores, les dictes charges et honneurs sont transmis et annezés à leurs seigneuries et héritages afin que cela servist de recognoissance de la valeur, et de merques à la maison et famille de ceulx qui en ont esté les causes. Ce que nous faisantz considérer les grands signalés et recommandables services que notre cher et bien aimé Jehan d'Amphernet sieur de Monchauvet aints ses frères, ont rendu au feu Roy nostre très-honoré seigneur père, et nous rendent tous les jours et ceulx que leurs devanciers de temps en temps, et comme par succession ont renduz aux feux Roys nos prédécesseurs, aux guerres et armées et es lieux où ils se sont trouvés auxquelz il a fallu faire paroistre1a Noblesse et ancienneté de leur race; pour la considération de cest estat et manutention de nostre Couronne, nous a faict recepvoir l'humble supplication et requeste qui nous a esté faicte par aulcuns de nos plus speciaux serviteurs à la recommandation du dit d'Amphernet, a ce que pour recognoissance des services de ses pères, de ses frères et des siens, et pour tesmoigner qu'ores et à l'advenir, ilz nous ont esté et sont très agréables, il nous plaist honorer et décorer la maison et seigneurie du dict Montchauvet du tittre et honneur de Baronnie, à cause aussi qu'elle est mouvante de nous noble et très a tienne, de grand revenu et de laquelle sont ténus s et mouvantz plusieurs fiefz, arrière fiefz terres et seigneuries et que le dit d'Amfernet a des biens suffisamment pour le maintenir et vivre à condition de Baron, inclinant à la requête du dit d'Amfernet, scavoit faisons que, pour les causes cy dessus et autres considérations à ce nous mouvants, avons la dite Seigneurie de Montchauvet crée et érigée et de nostre certoinne science, pleine puissance et authorité royale créions et érigeons par ces présentes signées de nostre main, tu tiltre nom et prééminence de Baronnie pour estre soulz tel nom et tiltre, tenue possédée par le dit d'Amfernet ses successeurs et aya cause et en la qualité de Seigneurie Baronnie de Montchauvet estre recognue, censée réputée et appelée en jugement que hors que par les adveuz de nombrementz recognoissances hommages, troitz et debvoirs des vassaux de la dicte Baronnie de Montchauvet telz et accoutumés toutes fois qu'ils ont cy devant faictz et rendus et en toutes assemblées de gentilz hommes, Estatz et ailleurs jouir et uzer des honneurs authentiques, séances prérogatives, prééminences droitz et privilèges dont jouissent et uzent et ont accoutumé de jouir et user les autres Barons de nostre royaume, et la justice soyt en matière civille que criminelle exercée par les mesmes officiers comme elle a esté de tout temps, pour les appellations ressortir par devant les Juges et magistratz a qui elles ont appartenu et appaniennent; avec permission d'édiffier et faire dresser en la dicte Baronnie des fourches patibulaires à quatre pilliers,ainsy qu'es autres baronnies; et pour.davantage décorer la dicte Baronnie de Montchauvet nous avons permis et accordé, perme tons et accordons au dit d'Amfernet d'y faire édiffier et bâtir un château et maison forte entourée de fossés et ornée de pontz levis, créneaux et marchicoulis et en y celle establiz et établissons trois foires l'année, pour y estre tenues trois jours consécutifs l'une au jour de St-Mathurin et l'autre le huitiesme septembre, jour et feste Notre-Dame et la troisiesme le vingt et ungiesme du dit mois de septembre jour St-Mathieu avec un marché par chaque semaine au jour de Jeudy, aus privilèges franchises et libertés accoutumées et octroyées aux autres foires et marchés de nostre dit Royaume, pourvu qu'à quatre lieux à l'entour du bourg de ladite Baronnie de Montchauvet où se tiendront les dictes foires et marché, il n'y ayt foire n'y marché aux dietz, et sans que les dicts Seigneurs et Barons de Montchauvet, nous soyent tenus à aultres recognoissances, hommages, droictz et debvroirs soit par mutation que autrement que ceulx qui nous ont esté faitz rendus et payez, nous font, rendent et payent encor de présent; n'y pareillement comme dit est, que les sasseaux tenanciers et feudataircs de la dite Baronnie de Montchauvet soyent tenus à aultres droictz et debvoirs à cause de l'augmentation de la dignité des Seigneurs d'icelle que ceulx qu'ilz ont accoustumé de faire rendre et payer, font et rendent et payent encore de présent, qu'ilz continueront successivement et perpétuellement aux Barons de Montchauvet. Si donnons en mandement à noz amez et féaux les gentz tenantz nostre Cour de Parlement et Chambre des Comptes à Rouen et à nos Bailly ou son lieutenant à Caen, et tous nos aultres justiciers et offi iers qu'il appartiendra que ces présentes, ilz a faire enregistrer, et du contenu d`icelles laisser souffrir et faire jouir le dict d'Amphernet ses successeurs et ayant cause sans souffrir n'y permettre qu'il luy soyt mis ou donné aulcun trouble ou empeschement en l'exécution des présentes, car tel est nostre plaisir, nonobstanc tous Edictz et Lettres à ce contraires, clameur de haro et Chartre Normande et affin que ce soyt chosse ferme et stable à tous jours, nous avons faict mettre nostre scel à ces dictes présentes, saouf en aultres choses nostre droit et l'autry en toutes.
	Donné a Paris, au mois d'Aoust l'an de grâce mil six centz seize et de notre règne le septième.
Louis